അഷ്ടമുടിയിലേപ്പെണ്ണേ,
ഇഷ്ടമനോഹരിയാളെ,
ഇഷ്ടമനോഹരിയാളെ,
അഷ്ടമംഗല്യവുമായി
നീയെത്തിടൂ,
നീയെത്തിടൂ,
അഷ്ടമുടിയിലേപ്പെണ്ണേ,
ചിത്രമനോഹരിയാളെ .
നഷ്ട സ്വര്‍ഗങ്ങളെയോര്‍ത്തു
കരയായ്ക
ശ്രേഷ്ടമായ്‌ തീരും നിന്‍ ജന്മം
മേല്കുമേലീ ഭൂവില്‍
നിത്യം.
നിത്യം.
കൊല്ലം നഗരത്തിന്‍ പാദേ
വെള്ളിത്തളയിട്ടതു-
പോല്‍
പോല്‍
മിന്നിത്തിളങ്ങുന്ന കായല്‍
ഒരു സുന്ദര ദൃശ്യമതല്ലോ
കൌമാരം പിന്നിട്ട കായല്‍
യൌവ്വനയുക്തയായപ്പോള്‍
കാമുക വൃന്ദങ്ങളെത്തീ
മാറാത്ത രോഗങ്ങളായീ
കായല്‍ നികത്തിയും
മാലിന്യമാക്കിയും
കായലോ, കാളിന്ദിയായി
കായലോ കാളിന്ദിയാക്കി.
കാളകൂട വിഷം ചീറ്റുമനവധി
കാളകൂട വിഷം ചീറ്റുമനവധി
കാളിയന്മാരാല്‍ നിറഞ്ഞു -
കായല്‍
കായല്‍
കാളിയന്മാരാല്‍ നിറഞ്ഞു .
കഷ്ടതയെല്ലാമകറ്റാന്‍,കായലി-
ന്നിഷ്ടങ്ങളെല്ലാം നല്‍കാന്‍
ഉറ്റവരായവരെത്തി,*
സെസ്സും-
സെസ്സും-
*എഎസാര്‍ ന്യൂ സിലാന്റും
രക്ഷകരായവര്‍ വന്നൂ,കൂട്ടി-
നെത്തിയ നാട്ടാരുമൊന്നായ്‌
അഷ്ടമുടിയെ തകര്‍ത്തൊരു
ശക്തികള്‍
ശക്തികള്‍
നിഷ്പ്രഭരാകാന്‍ തുടങ്ങി.
അഷ്ടമുടിയെ തകര്‍ത്തൊരു
ശക്തികള്‍
ശക്തികള്‍
നിഷ്പ്രഭരാകാന്‍
തുടങ്ങി.
തുടങ്ങി.
കാളിയന്മാരെയകറ്റി,വിഷം-
നീക്കിയ കായലിന്‍ തീരം
സസ്യ ലതാദികള്‍
തിങ്ങും
തിങ്ങും
നന്ദനോദ്യാനമായ് തീരും.
വെള്ളിമണ്‍ കായലില്‍നീന്താം
വള്ളം കളിച്ചുല്ലസ്സിക്കാം
തുള്ളി തുളുമ്പും മനസ്സേ,
പോരൂ
പോരൂ
ഉള്ളം കുളിര്‍പ്പിച്ചു പോകാം...
ദേശാടനത്തിനായെത്തും
സഞ്ചാരി വൃന്ദമേകേള്‍ക്കൂ
അഷ്ടമുടിയിലേക്കെത്തൂ
തുഷ്ടരായ്‌ തീരുക
നിങ്ങള്‍
നിങ്ങള്‍
സന്തുഷ്ടരായ്‌തീരുക
നിങ്ങള്‍.
നിങ്ങള്‍.
----------------
അനുബന്ധം
ഈ കവിത സെന്റർ ഫോര്‍ എര്‍ത്ത് സയന്‍സ് സ്റ്റഡീസും(സെസ്) ന്യുസിലണ്ടിലെ എ.എസ.ആര്‍ ലിമിറ്റഡ് എന്ന സ്ഥാപനവും ചേര്‍ന്ന് സംയുക്ത സംരംഭമായി " അഷ്ട മുടി, പരിപാലന, പരിസ്ഥിതിപഠന, ഗവേഷണ,പദ്ധതിയുടെ' അന്തിമ റിപ്പോര്‍ട്ട് സമര്‍പ്പണത്തോടനുബന്ധിച്ചു നടന്ന സമ്മേളനത്തില്‍ അവതരിപ്പിച്ചതാണ്.
റിപ്പോര്‍ട്ടില്‍ അഷ്ടമുടി പരിപാലനത്തിനു പ്രാവര്‍ത്തികമാക്കേണ്ട നിര്‍ദ്ദേശങ്ങള്‍ ഉള്‍ക്കൊള്ളിച്ചിരുന്നു. പ്രസ്തുത നിര്‍ദ്ദേശങ്ങള്‍ പൂര്‍ണമായി ഇനിയും പ്രാവർത്തിക മാക്കിയിട്ടില്ല എന്ന് വേണം കരുതാന്‍ .കാരണം അഷ്ടമുടികായാല്‍ പൂര്‍വാധികം രോഗ ബാധിതയായി തുടരുന്നതായാണ് ഇപ്പോള്‍ ലഭ്യമാകുന്ന വിവരം."എട്ടിലെ പശു പുല്ലു തിന്നുകയില്ല" ,സര്‍ക്കാര്‍ കാര്യം മുറ പോലെ ",
അഷ്ടമുടിക്കായാല്‍ പരിപാലന നിര്‍ദേശങ്ങള്‍ ചുവപ്പുനാടയില്‍
കെട്ടി ഭദ്രമായി എവിടെയോ സൂക്ഷിച്ചിട്ടുണ്ടാകാം.
