ഹരിച്ചിട്ടും ഗുണിച്ചിട്ടും
മറിച്ചിട്ടു പെരുക്കീട്ടും
എനിക്കയ്യോ കണക്കൊട്ടും
ശരിയാകുന്നില്ലേ?
കിടയ്ക്കുന്ന വേതനത്തെ
പലവട്ടം പെരുക്കീട്ടും
വരവ് ചിലവിന് കോളം
"ടാലി"യാകുന്നില്ലേ ..
അവശ്യ സാധനങ്ങള്
പലതൊഴിവാക്കിയിട്ടും
കുടുംബ ബജട്ടാകെയിന്നും
തകരാറിലാ...
വരവിന്റെ കളംതന്നില്
ആമയനങ്ങാതിരിപ്പൂ..
ചിലവിന്റെ കളത്തിലോ
മുയലിന് കുട്ടി.
ആമയൊന്നു മുയലിനെ
തോല്പിക്കും കാലം
വരാന് കാത്തു കാത്തു
ഞാനിരിപ്പൂ
കൊക്കിനെപ്പോലെ.
കൊക്കിനെപ്പോലെ.
കോഴിക്ക് മുല വരും
കാലമൊന്നു വന്നു ചേർന്നാൽ
അന്ന് പക്ഷെ എൻ പ്രതീക്ഷ
നിറവേറിയാല്......
അതിനായി കാലാകാലം
കാത്തിരിക്കുമെന്നെ വെറും
വിഡ്ഢിയെന്നു മാത്രം
നിങ്ങള് വിളിച്ചിടല്ലേ?
No comments:
Post a Comment