ദേശീയ ഗ്രന്ഥാലയ പ്രസ്ഥാനത്തിൻ
താതസ്ഥാനീയനായ് പൂജിതൻ
ശ്രീ എസ്സാർ രംഗനാഥനാലാവിഷ്കൃതം,
വിശ്വപ്രസിദ്ധമാം "പഞ്ചനിയമഗ്രന്ഥ
ശാസ്ത്രസംഹിത"സ്മരണക്കു മുന്നിൽ
ആദരങ്ങളർപ്പിച്ചു ഞാൻ കുറിക്കുന്നു
പുസ്തക സംബന്ധിയാമീക്കുറിപ്പുകൾ.
മർത്യചേതനക്കമൃതമാമാഹാരം
മർത്യ വിജ്ഞാനസാരസർവസ്വം
മർത്യനഭ്യുന്നതിക്കാധാരം പുസ്തകം
വിസ്തൃതമാമൊരു വിജ്ഞാനശേഖരം.
അത്ഭുതം മർത്യന്നമരത്വം നല്കുവാൻ
കെൽപ്പെഴുന്നൊരു സഹായിയാം
അത്ഭുതാനന്ദ,വിസ്മയ സഞ്ചിതം
പുസ്തകങ്ങളോ നിത്യവും പൂജിതം
"ദീപം പീഠത്തിൽ വയ്ക്കും പോൽ
പുസ്തകങ്ങളും പൂജ്യമായ് കരുതി നാം
വായനക്കാരാകൃഷ്ടരാം വിധൗ
ഷെൽഫിൽ വെടിപ്പായി വയ്ക്കണം.
ഇഷ്ടമുള്ളോരു പുസ്തകങ്ങളപ്പപ്പോൾ
വായനക്കാർക്കിഷ്ടാനുസൃതം തന്നെ-
യെളുപ്പം പ്രാപ്യമാക്കണമെപ്പൊഴും .
സത്ഗ്രന്ഥശേഖൃത ഗ്രന്ഥാലയം,
നാടിൻ സാംസ്കാരിക മാഹാത്മ്യം
കീർത്തിക്കും മഹാദീപസ്തംഭമാം ."
No comments:
Post a Comment