പി.ടി. ചാക്കോ

......................................................

പി.ടി. ചാക്കോ

1957 -1959 കാല ഘട്ടത്തിലെ പ്രതിഭാധനനായ പ്രതിപക്ഷ നേതാവ്. വിമോചനസമരമെന്ന ജനകീയ മുന്നേറ്റത്തിന്റെ അജയ്യനായ സേനാ

നായകൻ (വിമോചനസമരത്തെ തള്ളിപ്പറയുന്നവർ പക്ഷെ ഉപരോധ സമരമെന്ന കാട്ടാളത്തത്തെ ന്യായീകരിക്കും) കോണ്‍ഗ്രസ്,, പി.എസ.പി,ലീഗ് കാരെ

ഒന്നിപ്പിച്ച ഐക്യ മുന്നണിയുടെ ശില്പിയായി.1960-ൽ അധികാരത്തിലേറിയ പട്ടം താണുപിള്ള സർക്കാരിലും, പട്ടം ആന്ധ്ര ഗവർണ്ണരായപ്പോൾ രൂപം കൊണ്ട

 ആർ.ശങ്കർ "മുഖ്യമന്ത്രി"യായുള്ള മന്ത്രിസഭയിൽ ആഭ്യന്തരം, റെവന്യൂ ,നിയമം,തുടങ്ങിയ സുപ്രധാന വകുപ്പുകൾ ഭരിച്ച "മന്ത്രിമുഖ്യൻ",ഇങ്ങനെ പി.ടി. ചാക്കോ എന്ന നേതാവിനെക്കുറിച്ചു എത്ര പറഞ്ഞാലും അധികമാവില്ല. പക്ഷെ, അദ്ദേഹത്തിന്റെ  മകൻ നേതാവിനെപ്പോലെ, ചാക്കോ അവസരവാദിയായിരുന്നില്ല. അവസരങ്ങൾ അദ്ദേഹത്തെ തേടി വരുകയായിരുന്നു.മന്ത്രി സഭ യിൽ നിന്നും  രാജി വച്ച ശേഷം കെ.പി.സി.സി.അധ്യക്ഷ പദവിയിലേക്ക് മത്സരിച്ച അദ്ദേഹത്തെ

താൻ രാഷ്ട്രീയത്തിലേക്ക് കൈപിടിച്ചുയർത്തിക്കൊണ്ട് വന്നവർ  പിന്നിൽ നിന്ന് കുത്തി.(ആ കൂട്ടത്തിൽ ചങ്ങനാശ്ശേരിയിലെ അക്കാലത്തെ യുവനേതാക്കളും ഉൾപ്പെടുന്നുണ്ട്.)  അദ്ദേഹത്തെ പരാജയപ്പെടുത്താൻ കൂട്ട് ചേർന്നപ്പോൾ മനം നൊന്തു അദ്ദേഹം തത്കാലത്തേക്ക് രാഷ്ട്രീയം മാറ്റിവച്ചു, ഋണബാധ്യതയേറിയ കുടുംബത്തിന്റെ സാമ്പത്തിക ഭദ്രതക്ക്  വേണ്ടി ക്രിമിനൽ വക്കീലായി.കേസിന്റെ വാദമുഖങ്ങൾ ശരിയായി പഠിക്കാൻ കുറ്റ കൃത്യം നടന്ന സ്ഥലം സന്ദർശിക്കുമ്പോൾ ഹൃദ്രോഗബാധയെത്തുടർന്നു ആ മാന്യദേഹം 1964 ഓഗസ്റ്റ്‌- ൽ ദിവംഗതനായി..