ശാശ്വത ശാന്തി

ഇരുള് മൂടി ഭൂതലം, മനമിടിഞ്ഞ മാനുഷർ
 

ഒരുതരിപ്രകാശരഹിതമാകാശസീമയും
 

എവിടെനോക്കിയാലുമിന്നക്രമങ്ങൾ മാത്രമാം
 

കലുഷിതമീകലാപഭൂവിൽ സത്യമാം പ്രകാശമായ്
 

ഇനിയുമെന്നവതരിക്കും, ദൈവപുത്രാ,രക്ഷകാ
 

അവനുവേണ്ടികാത്തിരിക്കവേണ്ടനിങ്ങൾ, സോദരാ
 

അവനവന്റെ മാനസം  പുൽത്തൊട്ടിലാക്കിയാൽ
 

അവിടെ വന്നവതരിക്കും യേശു "ശാന്തിവചനമായ്"
 

യേശുവിന്റെ വചന ദീപ്തി കാട്ടിടും സരണിയിൽ
 

ശാശ്വതമാം ശാന്തി നേടി വാഴ്ത്തിടാം, സർവേശനെ!

(“These things I have spoken to you, that in Me you may have peace. In the world you will have tribulation; but be of good cheer, I have overcome the world.” John 16:33 )